Reflexión e actualización fiscal e contable

📸 Ver galería fotográfica | Máis de cen profesionais dos ámbitos fiscal e contable déronse cita os pasados días 5 e 6 de febreiro, tanto de maneira virtual como presencial -no Hotel Attica 21 da Coruña- para asistir á décimo cuarta edición dunhas Xornadas Técnicas de Fiscalidade e Contabilidade que trataron de achegar luz ao actual escenario, marcado pola complexidade normativa, a continua evolución do criterio administrativo e a crecente esixencia na práctica profesional.

Miguel A. Vázquez Taín, Presidente do Consello Xeral de Economistas, Sonia Lafont Sendino, Directora da ATRIGA, e o Delegado Especial en Galicia da AEAT, Miguel Cárcaba Menéndez, foron os encargados de inaugurar as Xornadas, a quen acompañou Agustín Fernández Pérez, presidente do REAF e Director das mesmas. 

Unha detallada exposición os últimos criterios normativos e doctrinales relativos aos Pactos Sucesorios do dereito Civil Galego, a cargo de Luisa Pouso Abuín, Inspectora xefe adxunta da área de Inspección Tributaria da ATRIGA, protagonizou o primeiro día do evento. Pouso repasou os últimos criterios normativos e doctrinales relativos aos Pactos Sucesorios do dereito Civil Galego, figura que se consolidou como unha ferramenta eficaz na planificación sucesoria familiar e empresarial.

Durante a primeira xornada tamén se analizaron outros temas clave para o sector, destacando o réxime fiscal das rendas irregulares no IRPF. Manuel de Miguel Monterrubio, Subdirector Xeral de Impostos sobre a Renda das Persoas Físicas (DXT), foi o encargado de abordar esta materia, considerada actualmente un dos aspectos que maior complexidade interpretativa presenta na práctica tributaria actual.

Na xornada do venres, cobrou relevancia entre estes asuntos a problemática derivada da fiscalidade da empresa familiar. Ainhoa de la Cuadra Gómez, Socia e Directora da área Fiscal en Family Office, e unha das voces máis autorizadas na materia, debullou as claves prácticas para protexer a estrutura familiar e garantir unha transición eficiente.

Antes de dita ponencia, Montserrat Casal Bascoy, Xefa da Dependencia Rexional de Recadación da Delegación Especial da AEAT de Galicia, se explayó sobre a recente xurisprudencia do Tribunal Supremo, que supuxo un cambio substancial na responsabilidade tributaria. Pola súa banda, Enrique Ortega Carballo, Socio e Director de Fiscal e Dereito Contable en Gómez-Acebo & Pombo, analizou os puntos de fricción derivados do choque entre a normativa contable e fiscal no recoñecemento de ingresos. 

O peche institucional correu a cargo de Miguel Corgos López-Prado, Conselleiro de Facenda e Administración Pública, que estivo acompañado polo Decano do Colexio de Economistas da Coruña, José Canalejas Couceiro e polo propio Agustín Fernández.