Depósito de Contas Anuais do exercicio 2023

O Colexio pon a disposición dos colexiados a posibilidade de entregar na sede colexial as contas anuais do exercicio 2023 (propias ou dos seus clientes) que haxan de depositar, exclusivamente, no Rexistro Mercantil da Coruña. Por razóns alleas ao Colexio non poderemos recoller as contas a presentar no Rexistro Mercantil de Santiago. 

Como é habitual o Colexio de Rexistradores pon a disposición dos interesados o programa informático para o depósito de contas, que pode descargarse directamente desde a ligazón http://www.registradores.org/descargas

 
A pesar de que se recomenda a presentación telemática, quen desexen presentar as contas en papel, CD ou DVD, pode facelo na sede colexial da Coruña ata as 14:30 horas do mércores 31 de xullo. Lembrade que o horario é de 8 a 15 horas.

Na sede de Santiago (Facultade de Ciencias Económicas e Empresariais. Avda. do Burgo, s/n, Campus Norte) recolleranse exclusivamente o mércores 31 de xullo. Dado que neste caso é necesario desprazar persoal á delegación, é IMPRESCINDIBLE CONCERTAR CITA con anterioridade (prazo límite para a reserva: luns, 29 de xullo, ás 13:00 horas).

A ter en conta, se utiliza este servizo:

• A data de rexistro de entrada no Rexistro Mercantil das contas que se presenten a través do Colexio será o 31 de xullo (independentemente de que se entreguen antes desa data).

• O importe correspondente ao depósito ou depósitos deberá abonarse EXCLUSIVAMENTE mediante cheque nominativo estendido a favor do Rexistro Mercantil da Coruña.

Honorarios depósitos a favor do Rexistro Mercantil da Coruña:

•    SEN AUDITOR:    Sen retención: 65.16 € | Con retención: 57.08 €
•    CON AUDITOR:  Sen retención: 74.74 € | Con retención: 65.47 €