XVIII Encontro en Galicia de Profesionais do Dereito Concursal

Baixo a lema “O protagonismo e impacto dos profesionais da insolvencia no mundo empresarial”, esta XVIII convocatoria do Encontro abrirase abordando o Regulamento da Administración Concursal e outras modificacións normativas relevantes. Tamén se analizarán os problemas que na actualidade suscita a exoneración do pasivo insatisfeito, nunha primeira xornada que alcanzará o seu punto álxido debatindo acerca dos concursos sen masa: son unha ferramenta eficaz para desxudicializar ou para amnistiar ao debedor?

Non faltará tampouco a actualización de coñecementos en materias como a figura do experto independente (Prepacker) ou os elementos de mellora para a plena operativa do procedemento especial de microempresas. Así mesmo, trataranse os aspectos procesuais e substantivos controvertidos da cualificación concursal tras a reforma.

Para finalizar o evento, na xornada do venres cobrarán protagonismo, entre outros, asuntos como os plans de reestruturación non consensuales ou as alternativas no alleamento de unidades produtivas ante situacións preconcursales. Con todo iso o obxectivo volve ser que o público asistente finalice o congreso coa satisfacción de obter, grazas ás achegas do excepcional cadro de relatores que edición a edición acompáñanos, valiosos consellos que utilizarán, sen dúbida, na súa práctica diaria.

Ver programa