USO DE COOKIES

Esta web utiliza cookies propias e de terceiros para mellorar a experiencia de navegación, adaptarse ás túas preferencias e realizar labores analíticos. Se continúas navegando consideramos que aceptas o seu uso. Máis información

Logotipo da escola de economistas de A Coruña

Zona Privada

Usuario:
Contrasinal:
Filtrar:

Revistas publicadas

Revista  118 Setembro 2014

Revista 118 Setembro 2014

Manuel Pardo, nomeado Colexiado de Honra
Na revista deste mes levamos a portada en nomeamento a título póstumo do noso compañeiro Manuel pardo, que se produciu no marco das Terceiras Xornadas Técnicas de Auditoría en Galicia, das que foi o auténtico impulsor. Así mesmo, apuntamos en páxinas interiores todo o alí acontecido. O protagonista da nosa entrevista é nesta ocasión Carlos Puig de Travy. O presidente do REA+REGA deixounos interesantes reflexións sobre a actualidade do sector da auditoría. Ademais das seccións máis habituais, incluímos o resumo dun informe realizado polo Consello Xeral de Colexios sobre a reforma concursal e a incidencia da mesma no fluxo do crédito público cuxas conclusións presentou en rolda de prensa hai escasas semanas.

Revista  117 Xullo-Agosto 2014

Revista 117 Xullo-Agosto 2014

A formación que vén
Na revista correspondente aos meses de xullo-agosto destacamos como noticia principal en portada a formación que acometeremos tras o período vacacional. Destaca ademais a análise que realizamos dos resultados do estudo correspondente ao primeiro semestre de 2014 do "Barómetro de Economía", dos que se desprende que a situación económica de Galicia mellora segundo a percepción dos economistas galegos. Novamente un colexiado é o protagonista da nosa entrevista mensual: con Marcelino Fernández Mallo charlamos entre outros asuntos sobre as súas dúas décadas de desempeño profesional no sector da banca e na súa actual ocupación desde 2012 como Socio Director de SPHENIA, S. L. Ademais das nosas seccións habituais, informamos tamén en contraportada que Miguel Caamaño, colaborador habitual do noso Colexio, foi convidado a participar na comisión de expertos que analizará a recente reforma fiscal levada a cabo polo goberno.

Revista  116 Xuño 2014

Revista 116 Xuño 2014

Emotiva homenaxe a Roberto Pereira
No número de xuño levamos a portada a sentida homenaxe que se lle brindou a Roberto Pereira, quen estivo á fronte do decanato do Colexio durante o últimos nove anos, e que foi distinguido como Colexiado de Honra en enmarco da celebración de San Pablo. Igualmente, informamos de que un ano máis os colexiados poderán entregar nas dependencias do Colexio as contas anuais que haxan de depositar nos Rexistros Mercantís da Coruña ou Santiago. Como é habitual tamén, damos conta de toda a actividade formativa que temos por diante: a segunda e terceira sesión do Ciclo Normas Internacionais de Auditoría -a celebrar en xullo e en setembro- e un avance das Terceiras Xornadas Técnicas de Auditoría (In memoriam Manuel Pardo Mosquera) que terán lugar á volta de vacacións. Mª Emilia Vázquez Rozas, Decana da Facultade Ciencias Económicas e Empresariais da Universidade de Santiago, é a protagonista da nosa entrevista. Con ela charlamos, entre outros asuntos, dos problemas e os desafíos que encaran as Universidades nunha etapa de depresión económica.

Revista  115 Maio 2014

Revista 115 Maio 2014

Roberto Pereira, homenaxeado na celebración de San Pablo
No número de maio levamos a portada a homenaxe que con ocasión da festividade de San Pablo realizaremos a quen no último 9 anos e ata uns poucos meses ocupou o cargo de Decano do Colexio, Roberto Pereira Costa, quen será distinguido como Colexiado de Honra. En páxinas interiores incluímos unha sentida homenaxe a Manuel Pardo Mosquera, Presidente Adxunto do Colexio, tristemente falecido hai escasa semanas. O propio Roberto Pereira, así como Miguel A. Vázquez Taín, decano do Colexio e José Antonio Lopez, Vicedecano, glosan a súa figura. Ademais das habituais seccións de reseña fiscal, contable e formativa, ofrecemos un adianto do que estamos a preparar para a celebración de San Pablo, patrón dos economistas. Por último sinalar que María Imelda Capote, Delegada Especial en Galicia da AEAT é a protagonista da nosa entrevista.

Revista  114 Abril 2014

Revista 114 Abril 2014

"Estou seguro de que o Deportivo celebrará o seu 200 aniversario"
Na revista correspondente ao mes de abril destacamos na portada a entrevista a Enrique Calvete, compañeiro colexiado, Tesoureiro da Deputación e desde xaneiro membro da nova Xunta Directiva do RC Deportivo como responsable da área económica. Ademais das habituais reseñas contable e fiscal e da sección formativa, informamos en contraportada achega do Rexistro de Economistas docentes e Investigadores, e do seu labor en aras ao recoñecemento destes profesionais docentes que se enmarcan na educación secundaria, universitaria e na formación continua que se realiza tanto nas escolas de negocio como en calquera empresa, asociación ou fundación cuxa actividade sexa a de formación en materia económica.

Revista  113 Marzo 2014

Revista 113 Marzo 2014

REC: velando polo recoñecemento profesional do experto contable
No número 113 correspondente ao mes de marzo levamos a portada o novo impulso que cobra o REC: Rexistro de Economistas Expertos Contables. Así mesmo, nas páxinas 4 e 5 deixamos algunhas consultas profesionais resoltas polo propio Rexistro. Ademais das seccións máis habituais, o protagonista da entrevista nesta ocasión é o colexiado Juan Amil, Director Genral Adxunto de Emalcsa. Por último resaltar que na sección de Lecer recomendamos a lectura de libro "Hei fracasaso e que?", de André Vanyi-Robin e Audrey Damas.

Revista  112 Febreiro 2014

Revista 112 Febreiro 2014

O director do FROB ofreceu unha conferencia sobre a reestruturación bancaria
No número de febreiro destacamos en portada a conferencia ofrecida polo director do FROB, Antonio Carrascascosa e que levou por título "A reestruturación bancaria no sistema financeiro español". Xa en páxinas interiores informamos os resultados da onda do barómetro de economía correspondente ao segundo semestre de 2013 e de todo o acontecido nas II Xornadas Técnicas de Fiscalidade e Contabilidade, organizadas polo noso Colexio. Ademais das seccións habituais, o protagonista da entrevista deste número é un economista que escribe novelas e relatos. ?Talvez son ambos, talvez ningún dos dous?, como gusta de dicir Fernando Trias de Bes. Unha interesantísima entrevista a un interesantísimo personaxe.

Revista  111 Xaneiro 2014

Revista 111 Xaneiro 2014

Baixada de tipos e eliminación de deducións fiscais, propostas de economistas para reforma fiscal
No primeiro número de 2014 destacamos en portada o informe remitido por lle REAF-REGAF á Comisión de expertos encargados da reforma fiscal: baixada de tipos e eliminación de deducións fiscais, propostas dos economistas. Iniciamos ademais neste número as entrevistas a colexiados, a cales intercalaremos con outros personaxes do ámbito económico. Abre o lume o compañeiro José Antonio Pena Beiroa, Director en DDC Consultores. Na habitual sección de formación, incluímos as II Xornadas Técnicas de Contabilidade e Fiscalidade, Técnicas para falar en público e o Taller: Faiche formador, cobran protagonismo. Ademais diso e das habituais reseñas fiscal, contable e os colexiados opinan, informamos da apertura da sede da delegación de Santiago na súa nova localización.

Revista  110 Decembro 2013

Revista 110 Decembro 2013

Reforma do sistema tributario: o noso colectivo opina
No último número de 2013 levamos a portada o informe realizado polo REAF que leva por título ?Por un sistema fiscal transparente, ordenado e previsible para o fomento da actividade económica? no que se realiza un diagnóstico da situación actual do sistema tributario español, reflexiónase sobre o mesmo e proponse 75 medidas para orientar a reforma. O noso último entrevistado do ano é José Antonio Canalejas, auditor de contas e recente incorporación á Xunta de goberno do Colexio. Ademais das reseñas habituais, informamos tamén da programación formativa de face aos primeiros meses do ano e incluímos na sección ?Os colexiados opinan? un interesante artigo titulado ?A quen podería interesar a falta de regulación da actividade de asesoría fiscal?? a cargo do colagiado José Antonio Pena Beiroa,

Revista  109 Novembro 2013

Revista 109 Novembro 2013

Entrevista a Fernando Ónega
No penúltimo número do ano levamos a portada a magnífica entrevista que nos concedeu o xornalista Fernando Ónega, cronista do últimas tres décadas no noso país. Ademais das nosas reseñas máis habituais, incluímos un artigo técnico titulado "Informe de auditoria de contas anuais de entidades en situación de disolución", cuxa autoría corresponde a María Camba Pardo, Auditora de Contas de AT Consultores &Auditores, S.L. E como sempre, o avance de formación dos próximos meses.

Revista  108 Outubro 2013

Revista 108 Outubro 2013

Miguel Anxo Vázquez Taín, novo Decano do Colexio
Miguel Vázquez Taín, profesor titular de Economía Pública e Sistemas Fiscais na Universidade de Santiago e ata agora vicedecano do Colexio de Economistas da Coruña, asume a substitución de Roberto Pereira no decanato do noso Colexio. Este retírase por motivos persoais despois de conseguir importantes avances para o colectivo de profesionais. Esa é a noticia destacada da revista de outubro. A protagonista da habitual entrevista é entrevista é nesta ocasión Raquel Rodríguez Espiño, Técnico de Control de Participadas de Xesgalicia. Ademais das seccións habituais e como queira que as pasadas semanas foron prolíficas en eventos formativos, neste número dámosvos conta de todo o sucedido nas Xornadas sobre a Fiscalidade dos Pactos Sucesorios, nas Segundas Xornadas Técnicas de Auditoría e no VII Encontro en Galicia de Profesionais do Dereito Concursal.

Revista  107 Setembro 2013

Revista 107 Setembro 2013

7º edición do Máster en Fiscalidade e Tributación: talento e oportunidade
No número de setembro destacamos en portada o inminente inicio do Máster en Fiscalidade e Tributación, que cubrirá a súa 7ª edición. O protagonista da nosa entrevista é Jorge Borrajo, Economista, Auditor de Contas e Avogado, membro ademais da Xunta de Goberno do Colexio. Ademais das nosas seccións habituais, incluímos un novo artigo en "Os colexiados opinan".

Revista  106 Xullo-Agosto 2013

Revista 106 Xullo-Agosto 2013

A volta de vacacións vén cargada de formación
Na revista correspondente a xullo-agosto destacamos en portada a intensa actividade formativa que levaremos acabo á volta das vacacións. O noso entrevistado non é outro que Alex Rovira, empresario, escritor, economista, conferenciante internacional e consultor español, e considerado un gurú do que se deu en denominar ?psiconomía?. Destacamos así mesmo os resultados do ?Barómetro de Economía? correspondente aos meses de abril a xuño, a segunda onda deste ano, os cales parecen indicar un cambio de tendencia na percepción do estado da economía. Ademais das nosas seccione máis habituais, incluímos unha nova colaboración por parte dun compañeiro colexiado na sección ?Os colexiados opinan?.

Copyright, Aviso Legal, Política de privacidade e Accesibilidade