USO DE COOKIES

Esta web utiliza cookies propias e de terceiros para mellorar a experiencia de navegación, adaptarse ás túas preferencias e realizar labores analíticos. Se continúas navegando consideramos que aceptas o seu uso. Máis información

Logotipo da escola de economistas de A Coruña

Zona Privada

Usuario:
Contrasinal:
Buscador de colexiados
emprégate!
Revista"

Última Revista Descarga la Revista.

pdf Descárgao 1.72Mb

Enquisas
Que accións formativas interésanche máis?

17/09/12 - (145 respostas)

ResultadosResultados

Outras enquisasEnquisas anteriores

Filtrar:

Revistas publicadas

Revista  -102 -102

Revista -102 -102

-102
-102

Revista  125 Abril 2015

Revista 125 Abril 2015

Encontros
No número de abril destacamos en portada unha dobre cita que tiveron representantes do noso Colexio: por unha banda, con alumnos de ADE e Economía da Coruña e Santiago, a quen mostraron as distintas saídas profesionais que lles agardan; e por outro, co trader e deportista, Josef Ajram, con quen compartiron parte das súas experiencias vitais. Ademais das reseñas contable e fiscal e das accións formativas dos próximos meses, informamos o Proxecto de Lei de medidas urxentes en materia concursal, procedente do Real Decreto-lei 11/2014, aprobado no Senado con 40 modificacións. O protagonista da entrevista é nesta ocasión Federico Díaz Risco, Director do Departamento de Control de Calidade do Rexistro de Economistas Auditores de Contas, REA+REGA.

Revista  124 Marzo 2015

Revista 124 Marzo 2015

Especial fiscalidade
No número de marzo destacamos en portada unha dobre temática de ámbito fiscal: o Panorama da Fiscalidade Autonómica e Foral 2015, informe anual elaborado polo REAF-REGAF e a entrevista a Luís do Amo, Secretario Técnico e responsable do Servizo de Estudos dos propio órganos de fiscalistas do Consello Xeral, con quen charlamos sobre toda a actualidade que rodea ao mundo da tributación. Ademais das reseñas contable e fiscal e das accións formativas dos próximos meses, informamos sobre a recente Instrución de 12 de febreiro de 2015, da Dirección Xeral dos Rexistros e o Notariado, sobre Legalización de libros dos empresarios. Así mesmo, desde a sección "Libros recomendados", convidamos á lectura de "A economía, unha historia moi persoal", do economista Santiago Neno Becerra, quen nos concedeu ademais unha pequena entrevista.

Revista  123 Febreiro 2015

Revista 123 Febreiro 2015

III Xornadas Técnicas de Fiscalidade e Tributación
Os pasados días 19 e 20 de febreiro celebráronse na Coruña as III Xornadas Técnicas de Fiscalidade e Contabilidade, evento que levamos este mes á nosa portada, e do cal damos boa conta en páxinas interiores. O protagonista da nosa entrevista deste número foi Salvador Marín Hernández, presidente de COFIDES (Compañía Española de Financiamento do Desenvolvemento) con quen charlamos sobre un tema de tanta actualidade como a internacionalización de empresas. Ademais das reseñas contable e fiscal e das accións formativas dos próximos meses, informamos o estudo presentado polo Consello Xeral sobre a Lei de segunda oportunidade.

Revista  122 Xaneiro 2015

Revista 122 Xaneiro 2015

Barómetro de Economía: resultados do segundo semestre de 2014
No primeiro número de 2015 destacamos en portada os resultados recavados na onda do Barómetro de Economía correspondente ao segundo semestre de 2014, estudo que edita o Consello Galego de Colexios de Economistas: o paro e a escaseza do crédito constitúen os principais problemas da economía galega para a maioría dos economistas enquisados. Ademais, o protagonista da nosa primeira entrevista do ano é Jesús Antonio Vázquez Pérez, presidente do Colexio de Titulados Mercantís da Coruña, con quen charlamos, entre outras cousas, da unificación que se aveciña entre ambos os colexios. As nosas habituais seccións (reseñas de actualidade contable e actualidade fiscal, avance de formación, libros recomendados, etc) completámolas nesta ocasión cunha importante noticia: en virtude do acordo entre o Consello Xeral de Economistas e o Instituto de Censores Xurados de Contas de España, o Rexistro de Expertos Contables (REC), configúrase a partir de agora como o único rexistro de expertos contables acreditados de ambas as corporacións.

Revista  121 Decembro 2014

Revista 121 Decembro 2014

O Consello Galego distribuirá entre os economistas galegos un libro sobre a reforma fiscal
No último número de 2014 levamos a portada a iniciativa do Consello Galego de Colexios de economistas de distribuír gratuitamente ente todos os economistas galegos o libro ?Radiografía da reforma fiscal, 2014-2016?, elaborado un equipo de expertos fiscalistas pertencentes ao despacho Caamaño & Concheiro & Seoane, baixo a dirección do noso colaborador habitual Miguel Caamaño. Na sección formativa, informamos das primeiras accións formativas programadas para 2015: Xestión laboral e contratación, Contabilidade, práctica contable e análise de balances e Fiscalidade para PEME. Ademais dos colaboradores habituais nas reseñas de actualidade contable e fiscal e da terceira parte do artigo de Álvaro Cela do Río (Departamento de RR.HH, Área de participadas de Abanca) titulado ?Actuación da empresa nos supostos de mobbing laboral, o último entrevistado do ano é Guillermo Dez Igrexas, Decano - Presidente do Colexio de Economistas de Ourense.

Revista  120 Novembro 2014

Revista 120 Novembro 2014

Entrevista a Juan Carlos Escotet, Presidente de Banesco Grupo Internacional
No número de novembro levamos a portada a entrevista que nos concedeu Juan Carlos Escotet, Presidente de Banesco Grupo Internacional e Vicepresidente de ABANCA. Sen dúbida, un dos nomes financeiros do ano. Así mesmo, e ademais da sección formativa, damos conta de todo o acontecido no Auditorio Abanca da capital santiaguesa os pasados días 13 e 14 de novembro no marco do VIII Encontro Galego de profesionais do Dereito Concursal, que reuniu a máis de 200 profesionais do ámbito forense. Ademais dos colaboradores habituais nas reseñas de actualidade contable e fiscal publicamos a segunda parte do artigo de Álvaro Cela do Río (Departamento de RR.HH, Área de participadas de Abanca) titulado ?Actuación da empresa nos supostos de mobbibg laboral.

Revista  119 Outubro 2014

Revista 119 Outubro 2014

Recomendacións ante a inminente reforma fiscal
No número de outubro destacamos en portada a inminente reforma tributaria que entra en vigor o próximo 1 de xaneiro de 2015, e á que lle dedicamos o editorial e as páxinas centrais, nas que resumimos o máis destacado do Documento ?Planificación fiscal coa reforma: recomendacións?, elaborado polo REAF-REGAF Asesores Fiscais (Consello Xeral de economistas). Ademais dos colaboradores habituais nas reseñas de actualidade contable e fiscal contamos nesta ocasión con outras dúas firmas: Francisco José Graza Herreiz, Presidente do Tribunal Evaluador (REC-CGE), quen nos informa sobre a posta pon en marcha a acreditación de Experto Contable do Consello Xeral de Economistas; e Álvaro Cela do Rio, do Departamento de RR.HH, Área de participadas de Abanca, quen nos deixa a primeira parte dun artigo titulado ?Actuación da empresa nos supostos de mobbibg laboral. Por último, e como é habitual, informamos a accións formativas que temos preparadas para os próximos meses.

Revista  118 Setembro 2014

Revista 118 Setembro 2014

Manuel Pardo, nomeado Colexiado de Honra
Na revista deste mes levamos a portada en nomeamento a título póstumo do noso compañeiro Manuel pardo, que se produciu no marco das Terceiras Xornadas Técnicas de Auditoría en Galicia, das que foi o auténtico impulsor. Así mesmo, apuntamos en páxinas interiores todo o alí acontecido. O protagonista da nosa entrevista é nesta ocasión Carlos Puig de Travy. O presidente do REA+REGA deixounos interesantes reflexións sobre a actualidade do sector da auditoría. Ademais das seccións máis habituais, incluímos o resumo dun informe realizado polo Consello Xeral de Colexios sobre a reforma concursal e a incidencia da mesma no fluxo do crédito público cuxas conclusións presentou en rolda de prensa hai escasas semanas.

Revista  117 Xullo-Agosto 2014

Revista 117 Xullo-Agosto 2014

A formación que vén
Na revista correspondente aos meses de xullo-agosto destacamos como noticia principal en portada a formación que acometeremos tras o período vacacional. Destaca ademais a análise que realizamos dos resultados do estudo correspondente ao primeiro semestre de 2014 do "Barómetro de Economía", dos que se desprende que a situación económica de Galicia mellora segundo a percepción dos economistas galegos. Novamente un colexiado é o protagonista da nosa entrevista mensual: con Marcelino Fernández Mallo charlamos entre outros asuntos sobre as súas dúas décadas de desempeño profesional no sector da banca e na súa actual ocupación desde 2012 como Socio Director de SPHENIA, S. L. Ademais das nosas seccións habituais, informamos tamén en contraportada que Miguel Caamaño, colaborador habitual do noso Colexio, foi convidado a participar na comisión de expertos que analizará a recente reforma fiscal levada a cabo polo goberno.

Revista  116 Xuño 2014

Revista 116 Xuño 2014

Emotiva homenaxe a Roberto Pereira
No número de xuño levamos a portada a sentida homenaxe que se lle brindou a Roberto Pereira, quen estivo á fronte do decanato do Colexio durante o últimos nove anos, e que foi distinguido como Colexiado de Honra en enmarco da celebración de San Pablo. Igualmente, informamos de que un ano máis os colexiados poderán entregar nas dependencias do Colexio as contas anuais que haxan de depositar nos Rexistros Mercantís da Coruña ou Santiago. Como é habitual tamén, damos conta de toda a actividade formativa que temos por diante: a segunda e terceira sesión do Ciclo Normas Internacionais de Auditoría -a celebrar en xullo e en setembro- e un avance das Terceiras Xornadas Técnicas de Auditoría (In memoriam Manuel Pardo Mosquera) que terán lugar á volta de vacacións. Mª Emilia Vázquez Rozas, Decana da Facultade Ciencias Económicas e Empresariais da Universidade de Santiago, é a protagonista da nosa entrevista. Con ela charlamos, entre outros asuntos, dos problemas e os desafíos que encaran as Universidades nunha etapa de depresión económica.

Revista  115 Maio 2014

Revista 115 Maio 2014

Roberto Pereira, homenaxeado na celebración de San Pablo
No número de maio levamos a portada a homenaxe que con ocasión da festividade de San Pablo realizaremos a quen no último 9 anos e ata uns poucos meses ocupou o cargo de Decano do Colexio, Roberto Pereira Costa, quen será distinguido como Colexiado de Honra. En páxinas interiores incluímos unha sentida homenaxe a Manuel Pardo Mosquera, Presidente Adxunto do Colexio, tristemente falecido hai escasa semanas. O propio Roberto Pereira, así como Miguel A. Vázquez Taín, decano do Colexio e José Antonio Lopez, Vicedecano, glosan a súa figura. Ademais das habituais seccións de reseña fiscal, contable e formativa, ofrecemos un adianto do que estamos a preparar para a celebración de San Pablo, patrón dos economistas. Por último sinalar que María Imelda Capote, Delegada Especial en Galicia da AEAT é a protagonista da nosa entrevista.

Revista  114 Abril 2014

Revista 114 Abril 2014

"Estou seguro de que o Deportivo celebrará o seu 200 aniversario"
Na revista correspondente ao mes de abril destacamos na portada a entrevista a Enrique Calvete, compañeiro colexiado, Tesoureiro da Deputación e desde xaneiro membro da nova Xunta Directiva do RC Deportivo como responsable da área económica. Ademais das habituais reseñas contable e fiscal e da sección formativa, informamos en contraportada achega do Rexistro de Economistas docentes e Investigadores, e do seu labor en aras ao recoñecemento destes profesionais docentes que se enmarcan na educación secundaria, universitaria e na formación continua que se realiza tanto nas escolas de negocio como en calquera empresa, asociación ou fundación cuxa actividade sexa a de formación en materia económica.

Copyright, Aviso Legal, Política de privacidade e Accesibilidade