USO DE COOKIES

Esta web utiliza cookies propias e de terceiros para mellorar a experiencia de navegación, adaptarse ás túas preferencias e realizar labores analíticos. Se continúas navegando consideramos que aceptas o seu uso. Máis información

Logotipo da escola de economistas de A Coruña

Zona Privada

Usuario:
Contrasinal:
Buscador de colexiados
emprégate!
Revista"

Última Revista Descarga la Revista.

pdf Descárgao 2.01Mb

A Xunta integra aos economistas galegos no Comité de Expertos no ámbito económico para afrontar a recuperación

27/04/2020

Nova: A Xunta integra aos economistas galegos no Comité de Expertos no ámbito económico para afrontar a recuperación

 

Co obxectivo de loitar contra os efectos nocivos no ámbito económico derivados da crise do COVID-19 e afrontar a recuperación, a Xunta de Galicia procedeu á creación dun Comité de Expertos en materia económica que han de asesorar ao executivo galego para reducir o impacto da crise sanitaria. 

No devandito comité quíxose contar coa voz e o coñecemento de todos os economistas de Galicia a través do Consello Galego, pasando a formar parte do mesmo o noso decano e presidente do Consello Galego, Miguel A. Vázquez Taín. Intégranse no mesmo ademais tanto os portavoces das Consellerías de Facenda, Economía, Medio Rural e Mar, como representantes das principais empresas galegas –Inditex e Reganosa entre elas– e membros do Foro Económico de Galicia, Círculo de Empresarios de Galicia ou a Asociación Galega da Empresa Familiar, entre outros. 

O traballo deste Comité, que deu comezo o pasado día 15 de abril cunha reunión telemática, haberá de determinar nun primeiro momento o impacto da emerxencia sanitaria na economía, a previsión da caída do Produto Interior Bruto e a diminución dos ingresos vía tributaria de Galicia e do conxunto de España e o impacto que iso suporá no déficit público, para, nunha segunda fase, avaliar os posibles escenarios de saída á crise e achegar propostas económicas, laborais e fiscais de face á reactivación. "Somos conscientes da necesidade de tomar a iniciativa para reactivar a economía e de adiantarse para estar preparados para afrontar unha difícil recuperación cando a situación sanitaria deixe de ser extraordinaria", indicou, neste sentido, o presidente da Xunta, Alberto Núñez Feijóo.

Na súa reunión do pasado día 27 de abril este Comité propuxo unha vintena de medidas que afectan o conxunto das administracións e teñen como obxectivo facilitar liquidez a través do adiamento de impostos, anticipos bancarios e un aumento dos créditos ás empresas. Tamén se abren á posibilidade de rescatar plans de pensións sen penalización. A adopción de ditas medidas en España debería de ir en liña coas adoptadas polas grandes potencias da UE para non afectar á competitividade empresarial. Así mesmo, no ámbito autonómico proponse un sistema de portelo único que asesore ao tecido empresarial para todas as axudas e tramitacións dependentes da Xunta e o reforzo dos avais do IGAPE, para cubrir necesidades financeiras por encima dos 200.000 euros.

Pola súa banda, a reunión do Comité do pasado 4 de maio centrouse no ámbito laboral. Así, concluíuse na necesidade de que o Goberno –dentro das medidas básicas e urxentes que se deben adoptar– desvincule o expediente de regulación temporal de emprego (ERTE) de forza maior do mantemento do actual estado de alarma. Os expertos tamén demandan bonificacións nas cotas á Seguridade Social e deducións fiscais para incentivar o mantemento e a recuperación do emprego, unha medida que contribuirá ademais a minorar o impacto que a situación actual está a ter nas contas públicas. Por último, tamén se puxo o foco na necesidade de establecer protocolos para vólvea á actividade desde o punto de vista da prevención, que permitan achegar confianza aos consumidores.   

 

>> Reunión do 13 de maio

O Comité de Expertos Económicos de Galicia, que integra a todos os economistas galegos a través do Consello Galego de Economistas, reuniuse novamente o pasado 13 de maio, co presidente da Xunta, Alberto Núñez Feijóo, á cabeza. O noso decano e presidente do Consello, Miguel A. Vázquez Taín, participou no encontro.

O Comité inclínase por impulsar novas medidas para facilitar o financiamento das empresas no actual contexto económico a causa do COVID-19, reforzando a solvencia das compañías e o crecemento do tecido empresarial a través de diferentes instrumentos financeiros.

Segundo avaliouse no encontro mantido por videoconferencia, o papel da Administración debe ser nestes momentos especialmente activo para apoiar os procesos de adaptación dos actores económicos, “promovendo instrumentos flexibles e que permitan captar fondos que lles aseguren capacidade suficiente para levalos a cabo”, tal e como se indicou. Tamén se sinalou como “estratéxico” o fortalecer o tamaño do tecido empresarial.

Entre outras propostas que se puxeron na palestra, apuntouse así mesmo a creación dun fondo galego de capital público e privado para investir en empresas afectadas pola crise sanitaria, a través de capital ou préstamos participativos; así como a ampliación da liña de avais do Estado canalizados polo Instituto de Crédito Oficial (ICO), habilitando un tramo específico destinado a operacións de reestruturación financeira.

Os expertos designados pola Xunta tamén propoñen a creación dunha nova liña de financiamento con garantía do ICO que posibilite un incremento do endebedamento neto das empresas, con garantía pública limitada. A posta en marcha dun mecanismo de co-investimento a escala autonómica que axude a completar as roldas de investimento no capital social das startups é outra das propostas que se analizaron na reunión.

Por último, o Comité tamén recomenda á Xunta profundar en dúas vías complementarias: o financiamento multilateral apoiada no Banco de Desenvolvemento do Consello de Europa (CEB) e o Banco Europeo de Investimentos (BEI), así como a mobilización de recursos da política europea de cohesión, acelerando a execución do marco financeiro actual.

 

Na Web da Consellería de Facenda están dispoñibles para a súa consulta e descarga o tres documentos técnicos de propostas elaborados ata a data polo Comité de Expertos. 

 

O pasado día 15 de abril comezou o traballo deste Comité cunha reunión virtual

 

 

Copyright, Aviso Legal, Política de privacidade e Accesibilidade