USO DE COOKIES

Esta web utiliza cookies propias e de terceiros para mellorar a experiencia de navegación, adaptarse ás túas preferencias e realizar labores analíticos. Se continúas navegando consideramos que aceptas o seu uso. Máis información

Logotipo da escola de economistas de A Coruña

Zona Privada

Usuario:
Contrasinal:
Buscador de colexiados
emprégate!
Revista"

Última Revista Descarga la Revista.

pdf Descárgao 4.33Mb

Mañá comeza a fase provincial da primeira edición do Torneo Nacional de Debate Económico para alumnos de Bacharelato

22/10/2019

Nova: Mañá comeza a fase provincial da primeira edición do Torneo Nacional de Debate Económico para alumnos de Bacharelato

Desde mañá mércores e ata o vindeiro venres, seis equipos de distintos centros educativos de secundaria da provincia da Coruña participan na fase provincial coruñesa do Torneo Nacional de Debate Económico en Bacharelato.

Esta iniciativa, promovida a nivel nacional polo Consello Xeral de Economistas dentro das actividades do Plan de Educación Financeira 2018-2021, terá como sedes a Facultade de Economía e Empresa da Universidade da Coruña e a Facultade de Ciencias Económicas e Empresariais da Universidade de Santiago. A final, que terá lugar o venres día 25, terá como marco o Salón de Plenos do Concello da Coruña.

O obxectivo da mesma é o de aproximar a realidade da nosa contorna económica e empresarial aos alumnos de Bacharelato, e favorecer a adquisición de habilidades vinculadas ao traballo en equipo, a procura de información, a confrontación de argumentos e a oratoria. 

Pregunta obxecto do debate

A pregunta ao redor da cal os alumnos debaterán, que será única tanto para as fases provinciais como para a fase final nacional, será a seguinte: ¿Serán favorables os efectos da dixitalización sobre a creación e mantemento do emprego?. Se a resposta é SE, o equipo defenderá que os efectos positivos serán máis importantes que os negativos. Pola contra, se a resposta é NON o equipo defenderá que os efectos negativos terán máis peso para o emprego que os efectos positivos.

O centro que resulte vencedor nesta fase provincial coruñesa pasará a formar parte dos 20 equipos que disputarán a fase final nacional, na que participan os 198 centros educativos (preto de 1.000 alumnos)- que se celebrará os días 26 e 27 de novembro na sede madrileña do Banco de España. O mesmo día 27 farase entrega do premio ao equipo gañador nun acto que contará coa presenza do gobernador do Banco de España, Pablo Hernández de Cos; do presidente da CNMV, Sebastián Albella, e do presidente do Consello Xeral de Economistas de España, Valentín Pich.

Nesta fase coruñesa, amparada a nivel autonómico polo Consello Galego de Economistas, conta como colaboradores coa Consellería de Educación, Universidade e Formación profesional da Xunta, Coca Cola e MediaMarkt A Coruña como partner tecnolóxico e líder no Proxecto Educativo en Galicia.. 

O pasado día 28 de maio foi presentada esta iniciativa na sede colexial por parte do profesor da Universidade de Valladolid, Augusto Cobos Pérez, membro do Comité Organizador do Torneo a nivel nacional.

Segundo indicou Cobos, con esta actividade perséguese un triplo obxectivo: aproximar ao alumnado á realidade da nosa contorna económica e empresarial da súa contorna, favorecer a adquisición de habilidades tales como o traballo en equipo, a negociación, ou a oratoria, “e terceiro, pero non menos importante, concienciar aos cidadáns da importancia de adquirir un adecuado nivel de cultura financeira nas diferentes etapas da vida, en especial, no ámbito da educación non universitaria”, sinalou. 

O Torneo está dirixido a alumnos de bacharelato, independentemente de que cursen ou non a materia de economía, “pois aínda que as preguntas dos debates teñen un matiz económico, contan todas elas cun forte compoñente social e están ao cabo da rúa”, quixo matizar Eugenio Cobos. 

[VER ENTREVISTA]

 

 

Copyright, Aviso Legal, Política de privacidade e Accesibilidade