IX Xornadas Técnicas de Fiscalidade e Contabilidade

Lugar de celebración: A Coruña, ONLINE
	Preinscrición: 03/02/2021-03/02/2021	Matrícula: 03/02/2021-03/02/2021	Celebración: 03/02/2021-04/02/2021
	Formación:	Áreas de formación:	Acceso: Aberto. Inscrición previa.

Os próximos días 3 e 4 de febreiro celebrarase a IX edición das Xornadas Técnicas de Fiscalidade e Contabilidade.

Un ano máis acudimos á nosa cita cos profesionais do ámbito tributario e contable, nesta ocasión en formato online dadas as circunstancias que estamos a vivir. 

Reducimos a duración do programa –un total de seis sesións impartidas en dúas xornadas de tarde-  para facer máis fácil e levadía a participación dos asistentes, mantendo a nosa aposta pola calidade do seu contido e dos relatores que nos acompañarán. 

Abordaremos desde as novidades tributarias para o presente 2021 ou os plans de actuación máis inmediatos da AEAT, ata cuestións máis puntuais como os aspectos máis significativos nos procedementos de inspección do ISD, a exención sobre dividendos ou as novidades motivadas polo Brexit no comercio internacional e IVE e o tratamento fiscal das vendas a distancia, exponencialmente incrementadas como consecuencia da pandemia. Como non podía ser doutra maneira, reservamos tamén un espazo para tratar sobre a recentemente aprobada reforma do PGC e sobre os seus efectos fiscais. 

Contaremos para iso con expertos da talla de Jesús Gascón (Director da AEAT), Luís do Amo (REAF), Juan Mosquera  (ATRIGA), Enrique Ortega (Gómez-Acivro & Pombo), Javier Sánchez Gallardo (Tribunal Económico-Administrativo Central) e Ignacio Ucelay (Baker McKenzie). 

En definitiva, unha nova edición deseñada a medida das necesidades formativas dos profesionais e adaptada ás circunstancias do momento.

[Programa]   |  [Inscrición]

Homologan

- Homologación REA: 1,25 horas en contabilidade e 4,75 horas noutras materias.

- Homologación REC: 6 horas.

Colaboran

© 2007 Colexio da Coruña
C/ Caballeros, 29 - 1º, 15009 A Coruña
Localización: Ver ubicacións
Telf.: 981 154325 | Fax: 981 154323 | colegio@economistascoruna.org

• Aviso legal |
• Política de privacidade |
• Política de cookies |
• Accesibilidade