Nova oferta de emprego: 17/14 Empresa Automoción A Coruña. Publicada 9 de abril

Miguel A. Vázquez Taín, novo Presidente do Consello Galego de Colexios de Economistas

Un dos obxectivos primordiais do Colexio de Economistas da Coruña é a formación e a reciclaxe dos seus colexiados, para o que, ao longo de todo o ano, organizamos numerosos cursos e seminarios nos que se abordan as principais novidades e cambios normativos de toda índole -fiscal, contable, concursal, …-.

A través desta Web corporativa convócanse as distintas actividades e permítese a matrícula en liña nas mesmas.

Ademais da formación de reciclaxe e actualización que se imparte de forma permanente, o Colexio de Economistas convoca anualmente dous Programas de formación superior en Auditoría de Contas e Fiscalidade.

O Curso de Especialización en Auditoría de Contas, dirixido a licenciados en Económicas, Empresariais, Administración e Dirección de Empresas, e profesionais con experiencia, non só permite cumprir coa fase teórica obrigatoria para exercer a profesión de auditoría, senón que a súa orientación práctica e a directa aplicabilidade dos coñecementos non só á área de auditoría, senón financeira e contable, convérteno nun activo para a consolidación profesional, e tamén para o acceso ao mercado laboral, o que vén referendado pola alta demanda que  firmas e despachos fan da bolsa de traballo deste Curso.

[Máis Información]

Pola súa banda, o Master en Fiscalidade e Tributación, homologado polo Rexistro de Economistas Asesores Fiscais (REAF) ten como finalidade profundar no coñecemento do sistema tributario, mediante unha visión integral e estruturada do mesmo e conta como elemento diferenciador o seu carácter práctico e a súa orientación cara a un alumno que busca profundar e consolidar os seus coñecementos nesta área. O seu programa, cun total de 300 horas lectivas, abarca a totalidade dos Tributos de ámbito estatal e autonómico, Lei Xeral Tributaria e Procedementos Tributarios e complétase cun módulo introductorio de Contabilidade, coa finalidade de reforzar os coñecementos contables necesarios para a adecuada comprensión dos diversos aspectos tributarios que teñen unha relación directa coa materia contable.

[Máis Información]